لاہور( سپورٹس رپورٹر) سیالکوٹ ریجن نے انٹر ریجن ڈیپارٹمنٹ انڈر 19 ایک روزہ کرکٹ ٹورنامنٹ جیت لیا۔ فائنل میں سیالکوٹ ریجن نے راولپنڈی کو 60 رنز سے ہرا دیا۔ عثمان خالد کو میچ کا بہترین کھلاڑی قرار دیا گیا۔ پیر کو راولپنڈی کرکٹ سٹیڈیم میں کھیلے گئے میچ میں سیالکوٹ ریجن کی ٹیم نے ٹاس جیت کر پہلے خود کھیلنے کا فیصلہ کیا اور مقررہ 45 اوورز میں 9 وکٹوں کے نقصان پر 246 رنز بنائے۔ عثمان خالد 81، وقاص علی 53 اور نعمان انور 38 رنز کے ساتھ نمایاں رہے۔ راولپنڈی کی طرف سے توصیف شاہ، میر واعظ اور عاقب شاہ نے دو دو کھلاڑیوں کو آﺅٹ کیا۔ جواب میں راولپنڈی ریجن کی ٹیم مطلوبہ ہدف حاصل کرنے میں ناکام رہی اور پوری ٹیم 39.5 اوورز میں 186 رنز پر آﺅٹ ہو گئی۔