فلم انڈسٹری کے 32ویں ایشین ایوارڈ 2012ءکا اعلان کر دیا گیا
لاہور (کلچرل رپورٹر) ایشین کلچرل ایسوسی ایشن کی ایوارڈز کمیٹی اور سپریم کونسل کا ایک مشترکہ اجلاس گذشتہ روز سرپرست اعلیٰ ایسوسی ایشن میاں راشد فرزند علی کی زیرصدارت ہوا جس میں ایوارڈ کمیٹی کے چیئرمین سید سہیل بخاری نے بتایا کہ 2012ءمیں قومی زبان (اردو) کی کوئی فلم ریلیز نہیں ہوئی صرف 6 فلموں کی نمائش کی گئی جس میں پنجابی زبان کی ایک فلم ”شریکا“ نے کامیابی حاصل کی جبکہ پشتو زبان کی 16 فلمیں نمائش کیلئے پیش کی گئیں۔ ایوارڈز کمیٹی کے فیصلے کے مطابق بہترین فلم ”شریکا“ کو قرار دیا گیا۔ ایوارڈ کی تقریب 23 جنوری کو ہو گی۔
