اوساکا (اے پی پی) جاپان کے ریو میازیکی نے تھائی لینڈ کے پورنسوان پورپراموک کو شکست دے کر ڈبلیو بی اے منیئم ویٹ کا ٹائٹل اپنے نام کر لیا۔ ذرائع ابلاغ کے مطابق ورلڈ باکسنگ ایسوسی ایشن (ڈبلیو بی اے) منیئم ویٹ کے ٹائٹل کے لئے جاپانی باکسر ریو میازیکی اور تھائی لینڈ کے پورنسوان پورپراک کے درمیان مقابلہ جاپان کے شہر اوساکا میں ہوا۔ دونوں کے درمیان کانٹے کا مقابلہ ہوا، تاہم تین میں سے دو ججز نے ریومیازیکی کے حق میں فیصلہ دیا۔ باﺅٹ کا سکور 116-112 ، 116-111 اور 113-114 رہا۔ جاپانی باکسر کی یہ کیریئر کی 18 ویں فتح ہے۔ فتح کے بعد میڈیا سے بات چیت کرتے ہوئے ریو میازیکی نے کہا کہ ڈبلیو بی اے منیئم ویٹ کا ٹائٹل حاصل کرنا میرا خواب تھا، کامیابی پر بہت خوش ہوں۔