لاہور (کلچرل رپورٹر) اداکارہ بشریٰ انصاری نے کہا کہ اپنی ثقافت سے رشتہ مضبوط ہو تو غیر ملکی ڈراموں کی یلغار سے ڈرنے کی ضرورت نہیں۔ ایک انٹرویو میں انہوں نے کہا کہ پہلے پی ٹی وی اکلوتا ٹی وی چینل ہوتا تھا جسکے باعث کئی لازوال ڈرامے پی ٹی وی کی زینت بنے مگر اب نجی ٹی وی چینل کے آنے سے ڈراموں کی تعداد میں اضافہ ہوا لیکن میرے خیال میں معیاری میں کمی نہیں آئی جس کی بڑی مثال مختلف چینل سے آن ائیر ہونے والے ڈرامے ہیں جن کو عوامی سطح پر پذیرائی ملی۔ بشریٰ انصاری نے کہا کہ ہمیں غیر ملکی ڈراموں کی یلغار کا مقابلہ کرنے کے لئے بہترین ڈرامے بنانے ہونگے اور اسکے کے ساتھ اپنی ثقافت کو نمایاں طو رپر اجاگر کرنا ہوگا۔