نئی دہلی (آن لائن) پاکستان کرکٹ ٹیم کے سابق کپتان عمران خان نے کہا ہے کہ ون ڈے کرکٹ میں بعد میں بیٹنگ کرنا زیادہ مشکل ہوتا ہے۔ دوسرے ون ڈے میں بھارتی شکست کی بڑی وجہ ایک تو پاکستانی بہترین باﺅلنگ اٹیک اور دوسرا رنز بنانے کا پریشر تھا۔ ہر بلے باز پر رن ریٹ بہتر کرنے کا پریشر موجود رہتا ہے۔ عمران خان نے آئی پی ایل پر تنقید کرتے ہوئے کہا کہ آئی پی ایل کے باعث کھلاڑیوں کی کارکردگی متاثر ہوئی ہے،کرکٹ کے سخت شیڈول کے باعث بھارتی کھلاڑی ذہنی اور جسمانی طور پر تھکے ہوئے ہیں۔ انڈین بورڈ کو اس بارے سخت الیکشن لینا ہوگا۔ عمران خان کے پاکستانی فاسٹ باﺅلرز کی کارکردگی کو سراہتے ہوئے کہا کہ دورہ جنوبی افریقہ میں پاکستانی فاسٹ باﺅلرز کی کارکردگی حیران کن ہو گی۔