دہلی(سپورٹس رپورٹر) بھارت میں موجود پاکستان ہائی کمشنر سلمان بشیر کی جانب سے بھارت کے دورہ پر آئی قومی کرکٹ ٹیم کے اعزاز میں عشائیہ دیا گیا۔ پاکستان ہاوس پہنچنے پر پاکستان ٹیم کا شاندار استقبال کیا گیا۔ چیئرمین پی سی بی ذکاءاشرف سمیت افسران کی بڑی تعداد موجود تھی۔ انتخاب عالم، صادق محمد، مشتاق محمد اور امتیاز احمد کو خصوصی طور پر مدعو کیا گیا تھا۔ ہائی کمشنر سلمان بشیر کا کہنا تھا کہ پاکستان ٹیم مستقبل میں بھی اسی طرح کامیابیاں سمیٹتے ہوئے دنیا کی نمبر ون ٹیم بن جائے گی۔ قومی ٹیم دنیا کی کسی بھی ٹیم کو شکست دے سکتی ہے۔