پشاور (نوائے وقت نیوز) پشاور اور مردان میں انسداد پولیو مہم ملتوی کردی گئی۔ صوبائی حکومت نے پشاور، چارسدہ، مردان اور نوشہرہ میں انسداد پولیو مہم شروع کرنے کا اعلان کیا تھا۔ انسداد پولیو مہم تکنیکی وجوہات پر ملتوی کی گئی۔ پشاور اور مردان میں پولیو مہم ہفتہ کو شروع کی جانی تھی۔ ڈائریکٹر جنرل پی ڈی ایم اے ظہیر السلام کے مطابق صوبے میں انسداد پولیو مہم کیلئے کنٹرول روم قائم کردیا گیا ہے۔ اسسٹنٹ کمشنر پشاور کے مطابق مہم 14 جنوری کو شروع کی جائیگی۔ انسداد پولیو مہم تکنیکی وجوہات کے باعث ملتوی کی گئی۔