اسلام آباد (این این آئی) پاکستان کبڈی فیڈریشن کے زیراہتمام دبئی کبڈی کپ کی تیاری کیلئے قومی کھلاڑیوں کا تربیتی کیمپ 10جنوری سے پاکستان سپورٹس کمپلیکس اسلام آباد میں شروع ہوگا۔ کبڈی فیڈریشن کے سیکرٹری محمد سرور کے مطابق تربیتی کیمپ میں 20کھلاڑیوں کو مدعو کیا اور انہیں کوچ جدید اور اعلیٰ معیار کی تربیت دینگے۔ انہوں نے کہا کہ دبئی کبڈی کپ 7 سے10فروری تک شارجہ کرکٹ سٹیڈیم میں منعقد ہوگا اور ایونٹ میں پاکستان، بھارت، کینیڈا، ایران، امریکہ اور متحدہ عرب امارات کی ٹیمیں شرکت کریں گی۔