پورٹ الزبتھ (این این آئی) جنوبی افریقہ اور نیوزی لینڈ کی ٹیموں کے درمیان دوسرا اور آخری کرکٹ ٹیسٹ 11 جنوری سے پورٹ الزبتھ میں شروع ہو گا۔ شیڈول کے مطابق دونوں ٹیموں کے درمیان سیریز کا دوسرا ٹیسٹ 11 سے 15 جنوری تک پورٹ الزبتھ میں کھیلا جائے گا۔ تین ون ڈے میچوں کی سیریز کا آغاز 19 جنوری سے ہوگا، دوسرا ون ڈے 22 جنوری جبکہ تیسرا اور آخری میچ 25 جنوری کو کھیلا جائے گاجنوبی افریقہ کو دو میچوں کی سیریز میں 1-0 کی برتری حاصل کر رکھی ہے واضح رہے کہ جنوبی افریقہ نے تین ٹی 20 میچوں کی سیریز میں کیوی ٹیم کو 2-1 سے شکست دے کر اپنے نام کی تھی۔