مارلون سمیوئلز سے جھگڑے پر شین وارن ایک میچ کیلئے باہر
ملبورن (آئی این پی) سابق آسٹریلوی لیگ سپنر ملبورن رینی گیڈز کے کپتان شین وارن پر مارلون سمیوئلز سے جھگڑے پر ایک میچ کی پابندی عائد کر دی گئی۔ آسٹریلوی بگ بیش لیگ انتظامیہ نے ملبورن میں ملبورن رینی گیڈز اور ملبورن سٹارز کے درمیان میچ کے دوران شین وارن اور مارلون سمیوئلز کے درمیان تنازع پر شین وارن کو ایک میچ کیلئے معطل کر دیا۔ شین وارن نے مارلون سمیوئلز کے گیند ماری جس پر مارلون سمیوئلز نے بیٹ ہوا میں اڑا دیا جس کا میچ ریفری نے نوٹس لے کر شین وارن کو ضابطہ اخلاق کی خلاف کا مرتکب ٹھہرا دیا۔
