قومی ٹیم جنوری سے جون تک دو انٹر نیشنل ایونٹس میں حصہ لے گی : باسکٹ بال فیڈریشن
اسلام آباد (این این آئی) پاکستان باسکٹ بال فیڈریشن نے کہا کہ قومی ٹیم جنوری سے جون تک دو انٹر نیشنل ایونٹس میں حصہ لے گی۔ اسلام آباد باسکٹ بال ایسوسی ایشن کے سیکرٹری عمران بشیر کے مطابق فیڈریشن نے گذشتہ سال اکتوبر میں 3x3 نیشنل باسکٹ بال چیمپئن شپ کا انعقاد کیا جبکہ رواں سال جون تک تین قومی ایونٹس کا انعقاد کیا جائے گا، مارچ میں ویمن باسکٹ بال چیمپئن شپ، اپریل میں مینز باسکٹ بال چیمپئن شپ اور جون میں جونیئر باسکٹ بال چیمپئن شپ کھیلی جائے گی۔ انہوں نے کہا کہ اسی دوران قومی باسکٹ بال ٹیم دو بین الاقوامی ٹورنامنٹس میں شرکت کرے گی جس میں ساﺅتھ ایشن باسکٹ بال چیمپئن شپ اور سیف گیمز شامل ہیں۔
