سینٹ کی قائمہ کمیٹی پٹرولیم کا اجلاس آج طلب
اسلام آباد (آئی این پی) سینٹ کی قائمہ کمیٹی برائے پٹرولیم و قدرتی وسائل کا اہم اجلاس کمیٹی کے چیئرمین سییٹر محمد یوسف کی صدارت میں (آج) منگل کو پارلیمنٹ ہاﺅس میں ہوگا‘ اجلاس میں پاکستان پٹرولیم لمیٹڈ کی کارکردگی اور وزیراعظم کی خصوصی ہدایت پر ہنگو کے علاقے میں گیس کی فراہمی کی ہدایات پر عمل درآمد کا جائزہ لیا جائے گا۔ سینٹ سیکرٹریٹ کے مطابق کمیٹی 3نکاتی ایجنڈے کا جائزہ لے گی۔ ایجنڈے پر بریفنگ کیلئے مشیر پٹرولیم و قدرتی وسائل ڈاکٹر عاصم حسین‘ سیکرٹری پٹرولیم‘ سیکرٹری کابینہ ڈویژن‘ سیکرٹری پی اینڈ ڈی اور ایم ڈی سوئی نادرن گیس پائپ لائن کو طلب کیا گیا ہے۔
