نئی دہلی (آئی این پی) بھارتی کرکٹ کنٹرول بورڈ کے نائب صدر اور انڈین پریمئیر لیگ کے چیئر مین راجیو شکلا نے کہا ہے کہ حکومت پاکستان اور پی سی بی کی جانب سے کھلاڑیوں کی مکمل سکیورٹی کی یقین دہانی کے بعد بھارتی ٹیم پڑوسی ملک کا دورہ کر سکتی ہے۔ بھارتی کرکٹ کنٹرول بورڈ کے نائب صدر راجیو شکلا نے ان خیالات کا اظہار گذشتہ روز صحافیوں سے گفتگو کرتے ہوئے کیا۔ انہوں نے واضح کیا کہ بھارتی ٹیم کسی غیرجانبدار گراﺅنڈ پر سیریز نہیں کھیلے گی۔ ہم مستقل بنیادوں پر پاکستان کے ساتھ کرکٹ تعلقات کی بحالی چاہتے ہیں ۔ آئی پی ایل میں پاکستانی کھلاڑیوں کی شمولیت کی بات ہے تو وہ وقت کے ساتھ طے کیا جائے گا۔ آئی پی ایل سے کھلاڑیوں کی کارکردگی خراب نہیں ہو رہی، دو چار میچوں سے کھلاڑیوں کی کارکردگی کو پرکھا نہیں جا سکتا۔