لاہور(خصوصی رپورٹر) وزیراعلیٰ محمد شہبازشریف لاہور کالج فار وومن یونیورسٹی میں لیپ ٹاپ تقسیم کرنے کیلئے پہنچے تو سینکڑوں طالبات نے پرجوش انداز میں ان کا والہانہ استقبال کیا۔ مسلم لیگ (ن) کی رہنما مریم نواز شریف بھی وزیراعلیٰ کے ہمراہ تھیں۔ آڈیٹوریم آمد پر طالبات نے کھڑے ہو کر وزیراعلیٰ اور مریم نواز کا استقبال کیا اور بھرپور تالیاں بجائیں۔ آڈیٹوریم کھچاکھچ بھرا ہوا تھا ۔ طالبات کا جوش و جذبہ دیدنی تھا۔ تقریب کے دوران ہال تالیوں سے گونجتا رہا۔ وزیراعلیٰ سٹیج پر بیٹھے نوٹس لیتے رہے اور انہوں نے نغمے ”اے روح قائدؒ آج کے دن ہم تجھ سے وعدہ کرتے ہیں“، ”وطن کی مٹی گواہ رہنا“ اور” چھولو آسماں....تم ہو پاکستان“ ترنم کے ساتھ گائے جس پر ہال میں موجود طالبات نے بھی وزیراعلیٰ کا ساتھ دیا۔ وزیراعلیٰ نے پاکستان زندہ باد، قائداعظمؒ زندہ باد کے نعرے لگوائے۔ طالبات نے وزیراعلیٰ کے ساتھ مل کر نعرے لگائے۔ وزیراعلیٰ نے تقریر کے دوران یہ اشعار بھی پڑھے:ایک ہی صف میں کھڑے ہوگئے محمود و ایازنہ کوئی بندہ رہا اور نہ کوئی بندہ نواز-----تمنا آبرو کی ہے اگر گلزار ہستی میںتو کانٹوںمیں الجھ کر زندگی کرنے کی خو کر لےنہیں یہ شان خود داری چمن سے توڑ کر تجھ کوکوئی دستار میں رکھ لے کوئی زیب گلو کر لے