کوئٹہ: تربیت، گوادر، مستونگ میں فائرنگ کے واقعات، 7 جاں بحق
کوئٹہ (بیورو رپورٹ) کوئٹہ اور اندرون بلوچستان مختلف واقعات میں نامعلوم افراد نے فائرنگ کر کے 7 افراد کو جاںبحق کر دیا۔ پولیس کے مطابق کوئٹہ کے علاقے کلی کمالو میں نامعلوم افراد نے تندور پر فائرنگ کر کے سراج الدین اور عبداللہ کو جاںبحق کر دیا اور فرار ہو گئے۔ لیویز کے مطابق سنجاوی کے علاقے کلی پوئی شریف میں نامعلوم موٹر سائیکل سواروں نے فائرنگ کر کے حافظ شراف الدین کو جاںبحق کر دیا۔ تربت کے علاقے کلاتک، مستونگ، دھاڈر میں بھی ناملعوم افراد کی فائرنگ سے 4 افراد جاںبحق ہو گئے۔
