لاہور (کامرس رپورٹر+نوائے وقت رپورٹ) پی سی بی نے بھارت کیخلاف سیریز کھیلنے والے تمام کھلاڑیوں کیلئے انعام کا اعلان کر دیا۔ وقت نیوز کے مطابق انعام کا اعلان چیئرمین پی سی بی چودھری ذکاءاشرف نے پہلی ایوارڈ تقریب میں کیا۔ پاکستان بھارت سیریز میں شامل کھلاڑیوں کو 5,5 لاکھ روپے انعام دیا جائیگا جبکہ جنید خان، ناصر جمشید، سعید اجمل، محمد حفیظ، محمد عرفان کو دس، دس لاکھ روپے دئیے جائیں گے۔ ٹیم مینجمنٹ کے اراکین کیلئے ڈھائی، ڈھائی لاکھ انعام کا اعلان کیا گیا ہے۔ ذرائع کے مطابق پی سی بی نے ایوارڈز کیلئے کھلاڑیوں کی نامزدگی کر دی ہے۔ سعید اجمل کو 5 کیٹگریز میں ایوارڈ دئیے جائیں گے۔ محمد حفیظ کو پی سی بی پلیئر آف دی ائر ایوارڈ دینے کا فیصلہ کیا گیا ہے۔ حارث سہیل کو بہترین ڈومیسٹک پلیئر آف دی ائر کا ایوارڈ دیا جائے گا۔ سال کے بہترین ڈیف کرکٹر کا ایوارڈ محمد شکیل جبکہ بہترین امپائر کا ایوارڈ احسن رضا کو دیا گیا۔ بیسٹ ویمن آف دی ائر کا ایوارڈ قومی ٹیم کی کپتان ثناءمیر کو دیا گیا ہے۔ بہترین بلائنڈ کرکٹر کا ایوارڈ محمد جمیل کو دیا گیا۔ پی سی بی ایمرجنگ پلیئر آف دی ائر کا ایوارڈ جنید خان کو دیا گیا۔ بہترین ٹی 20 بیٹسمین کا ایوارڈ ناصر جمشید لے اڑے۔ بہترین ڈومیسٹک با¶لر کا ایوارڈ ذوالفقار بابر کو دیا گیا۔ بہترین ڈومیسٹک بیٹسمین کا ایوارڈ حارث سہیل کو دیا گیا۔ سعید اجمل کو 2012ءکا بہترین ٹی 20 با¶لر کا ایوارڈ دیا گیا۔ اظہرعلی کو 2012ءکا بہترین ٹیسٹ پلیئر آف دی ائر کا ایوارڈ دیا گیا۔