ننکانہ صاحب (نامہ نگار) بجلی کے شارٹ سرکٹ کے باعث ایک کریانہ کی دکان میں آگ لگ گئی جس کے نتیجہ میں دکان کی چھت اور ہزاروں روپے مالیت کا سامان جل گیا۔ ننکانہ شاہکوٹ روڈ پر واقع موضع دھوڑ کوٹ کے قریب محمد رمضان کی کریانہ کی دکان میں بجلی کے شارٹ سرکٹ کے باعث اچانک آگ لگ گئی جس کے نتیجہ میں دکان میں موجود 2 عدد فریزر اور ہزاروں روپے مالیت کا دیگر سامان بری طرح جل گیا آگ لگنے کے باعث دکان کی چھت بھی گر گئی تاہم ریسکیو 1122 ننکانہ صاحب کے عملہ نے موقع پر پہنچ کر آگ پر قابو پا لیا۔