قصور: نامعلوم افراد کی فائرنگ سے ایک شخص جاں بحق
قصور (نامہ نگار ) قصور کے نواحی گاوں رنگ پور کے نزدیک نامعلوم افراد نے ایک شخص کو اندھا دھند فائرنگ کر کے ہلاک کر دیا۔ عید محمد آٹے والی چکی پر سویا ہوا تھا کہ نامعلوم ملزمان نے اسے اندھا دھند فائرنگ کر کے ہلاک کر دیا۔چکی کے مالکان وغیرہ نے مقتول کے ورثاءکو اطلاع دیے بغیر اس کے کفن دفن کا انتظام کر رہے تھے کہ پولیس کو اطلاع مل گئی۔پولیس نے موقع پر پہنچ کر نعش کو قبضے میں لے لیا اور پوسٹمارٹم کے لیے قصور ہسپتال بھجوادیا۔پولیس تھانہ صدر قصور نے مقدمہ درج کر لیا۔
