کوچی (اے پی پی) بھارت میں انگلینڈ کرکٹ ٹیم کے کھلاڑی ہوٹل کے سوئمنگ پول میں اچانک سانپ کو دیکھ کر ڈر گئے۔ انگلش ٹیم بھارت کے خلاف سیریز کا دوسرا میچ کھیلنے کےلئے کوچی کے فائیو سٹار ہوٹل میں موجود تھے۔ گذشتہ روز ہوٹل کے سوئمنگ پول میں اچانک سانپ گھس آیا جسے دیکھ کر انگلش کھلاڑی سہم گئے، فاسٹ باﺅلر سٹورٹ میکر نے کہا کہ انہوں نے فیصلہ کر لیا ہے کہ وہ اب سوئمنگ پول میں نہیں جائیں گے۔ انتظامیہ نے فوری طورسانپ کو پانی سے ہٹایا۔ انگلینڈ اور بھارت کے درمیان سیریز کا دوسرا ایک روزہ میچ (آج) منگل کو کوچی میں کھیلا جائے گا، انگلش ٹیم کو سیریز میں 1-0 کی برتری حاصل ہے۔