لاہور (سپورٹس رپورٹر) قومی ٹرے اور جونیئر ہاکی چیمپئن شپ میں حصہ لینے کے لئے پنجاب کی ہاکی ٹیموں کے انتخاب کے لئے تین روزہ ٹرائلز کا آغاز نیشنل ہاکی سٹیڈیم کی گراﺅنڈ نمبر دو پر شروع ہوگئے۔ ٹرائلز کے ابتدائی روز مجموعی طور پر 60 سے 70کھلاڑیوں نے حصہ لیا۔ ٹرائلز کے ابتدائی روز کھلاڑیوں کی تعداد توقع سے کم رہی جس کی بنیادی وجہ دوسرے شہروں سے آنے والے کھلاڑیوں کو بسوں کے حصول میں مشکلات کا سامنا رہا۔ آج ٹرائلز کے دوسرے روز کھلاڑی زیادہ تعداد میں اضافہ کی توقع ہے۔