اسلام آباد (اے پی اے + آن لائن) وفاقی وزیر اطلاعات قمر الزمان کائرہ نے پریس کانفرنس کے دوران طاہر القادری کی باتوں کو مضحکہ خیز انداز میں اپنا کر اسے کشت زعفران بنا دیا۔ کائرہ پریس کانفرنس کر رہے تھے تو اچانک انہوں نے بجلی اور کیبل بند ہونے پر طاہر القادری کے بیانات پر تبصرہ کرتے ہوئے کہا کہ ”مولوی کہتا ہے یزیدیو 5منٹ میں بجلی بحال کر دو، پیمرا والو تمہارے پاس 10منٹ ہیں، کیبل بحال کر دو۔ وفاقی وزیر اطلاعات نے کہا کہ مولوی صاحب کو کون سمجھائے کہ پورے ملک میں بیک وقت بجلی بند نہیں ہوتی بلکہ اپنے اوقات کے مطابق مختلف علاقوں میں بند ہوتی ہے۔ کائرہ نے نقل اس انداز سے اتاری کہ وفاقی وزیر سمیت پریس کانفرنس کے شرکاءاپنے قہقہوں پر قابو نہ رکھ سکے۔ وہ بار بار طاہر القادری کو مولوی کہتے رہے۔