لاہور (سپورٹس رپورٹر) قائداعظم ٹرافی ٹورنامنٹ کے پانچویں مر حلے میں گروپ ون میں کل سے مزید چھ میچ ملک کے مختلف سنٹرز میں شروع ہوگا۔ کراچی بلیوز اور ملتان کے درمیان میچ ملتان میں، اسلام آباد اور کوئٹہ اسلام آباد میں، پشاور اور سیالکوٹ پشاور میں ہوگا جبکہ گروپ ٹو میں بہاولپور اور حیدرآباد کی ٹیمیں بہاولپور میں مدمقابل ہونگی۔ لاہور شالیمار اور راولپنڈی میرپور میں جبکہ فیصل آباد اور ایبٹ آباد کی ٹیمیں گوہاٹی سٹیڈیم صوابی میں آمنے سامنے ہوں گی۔