لاہور (اپنے نمائندے سے) رات گئے لکشمی چوک کے قریب مقامی پلازے کی بالائی منزل پر اچانک آگ بھڑک اٹھی جس نے پورے پلازے اور اس سے ملحقہ3 عمارتوں کو بھی اپنی لپیٹ میں لے لیا۔ 8 افراد جھلس کر جاں بحق اور کئی زخمی ہو گئے ریسکیو کی 4 ٹیموں نے خواتین اور بچوں سمیت 14 سے زائد افرادکو نکال لیا ۔ 5 افراد دھویں کے باعث بے ہوش ہو گئے۔ آپریشن رات گئے تک جاری رہا۔ ریسکیو ذرائع کے مطابق آگ لگنے کی وجوہات معلوم نہیں ہو سکیں۔ فائر بریگیڈ کی14 گاڑیاں آگ بجھانے میں مصروف رہیں۔پولیس نے علاقے کو فوری طور پر خالی کرا لیا ہے تاکہ ریسکیو آپریشن میں کوئی رکاوٹ پیدا نہ ہو۔ڈی سی او لاہور نورالامین نے ایبٹ روڈ کا دورہ کیا۔ انہوں نے امدادی کارروائیاں تیز کرنے کی ہدایت کی۔ نجی ٹی وی نے بتایا ہے کہ ریسکیو ذرائع نے اندر رہ جانے والے 2 بچوں کو زخمی حالت میں نکال کر میو ہسپتال میں پہنچا دیا۔ ریسکیو ذرائع کے مطابق اب عمارت میں کوئی شخص موجود نہیں۔