کوالالمپور (اے پی پی) بھارتی بیڈمنٹن سٹار ثانیہ نہوال ملائیشین اوپن سپر سیریز ویمنز سنگلز سیمی فائنل میں شکست کے بعد ٹائٹل کی دوڑ سے باہر ہو گئی ہیں۔ سیمی فائنل میں چائنیزتائپے کی کھلاڑی زوینگ تھائی نے نہوال کو شکست دی۔ ملائیشیا میں جاری ایونٹ میں گزشتہ روز کھیلے گئے ویمنز سنگلز ایونٹ کے سیمی فائنل میں چائنیزتائپے کی کھلاڑی زوینگ تھائی نے عمدہ کارکردگی کی بدولت ثانیہ نہوال کو 35 منٹ تک جاری رہنے والے مقابلے کے بعد 22-20 اور 21-14 سے زیر کر کے فائنل میں جگہ بنا لی۔