جوہانسبرگ (اے پی پی) کرکٹ جنوبی افریقہ نے پاکستان کے خلاف پہلے ٹیسٹ میچ کے لئے 13 رکنی ٹیم کا اعلان کر دیا ہے، گریم سمتھ کو کپتان برقرار رکھا گیا ہے، فٹنس مسائل سے نجات کے بعد مایہ ناز فاسٹ باﺅلر ورنن فلینڈر کو دوبارہ ٹیم میں شامل کر لیا گیا ہے وہ نیوزی لینڈ کے خلاف دوسرے ٹیسٹ میچ کے دوران ہیمسٹرنگ انجری کا شکار ہوگئے تھے۔ نیوزی لینڈ کے خلاف ٹیسٹ سیریز میں شامل رائن میک لیرن کو ڈراپ کر دیا گیا ہے۔ اعلان کردہ ٹیم میں گریم سمتھ (کپتان)، ہاشم آملہ، اے بی ڈی ولیئرز، فاف ڈو پلیسی، ڈین ایلگر، جیک کیلس، روری کلینویلڈ، مورنے مورکل، الویرو پیٹرسن، روبن پیٹرسن، ورنن فلینڈر، جیک روڈلف اور ڈیل سٹین شامل ہیں۔