اسلام آباد (آئی این پی) نیب کے مشیر شوکت قادرنے دعویٰ کیا ہے کہ صدرآصف زرداری نیب کواپنے مقاصدکےلئے استعمال کررہے ہیںتاہم انہیں اس ادار ے کواپنے مقاصدکےلئے اتنااستعمال نہیں کرنے دیاگیاجتناوہ چاہتے ہیں، ہر دور میں حکمرانوں نے نیب کوذاتی مفادکےلئے استعمال کیا،ادارے میں بدعنوانی ضرور ہے خاتمے کےلئے اقدامات کررہے ہیں، کامران فیصل رینٹل پاور کیس کے حوالے سے بہت دباﺅ کا شکار تھے جس کا اظہار وہ نیب حکام سے کر چکے تھے۔ ایک ٹی وی انٹرویومیں شوکت قادرنے کہاکہ نیب کاکام ملک میں بدعنوانی سے نمٹناہے مگربدقسمتی سے اس ادارے کواپناکام نہیں کرنے دیا گیا، خواہ بے نظیر بھٹو کا دور ہو یا نواز شریف کا یا پھر پرویز مشرف کا ہر ایک نے نیب کو استعمال کیا اب یہی کام صدر آصف زرداری کر رہے ہیں۔ نیب میں بدعنوانی ہے تاہم انہوں نے کہاکہ اس لعنت کے خاتمے کےلئے اقدامات کئے جا رہے ہیں اس سلسلے میں انہوں نے بعض اہم تجاویز دی ہیں۔ کامران فیصل نے کبھی کسی خطرے یا دھمکی کے حوالے سے آگاہ نہیں کیا اور نہ ہی دباﺅ کی نوعیت بتائی۔ رینٹل پاور کیس اپنی نوعیت کا بڑا کیس تھا جس میں دباﺅ کا ہونا فطری عمل ہے۔