آسٹریلین اوپن کا کوارٹرفائنل مرحلہ آج شروع ہوگا
میلبورن (اے پی پی) سال کے پہلے گرینڈ سلیم آسٹریلین اوپن کے کوارٹرفائنل مرحلے کا آغاز آج منگل سے ہوگا۔ ویمن سنگلز مقابلوں میں پہلا کوارٹرفائنل عالمی نمبر چار پولینڈ کی اگنیسکا راڈوانسکا اور عالمی نمبر چار چین کی لی نا کے درمیان کھیلا جائے گا۔ دوسرے کوارٹرفائنل میں عالمی نمبر ایک روس کی ماریہ شراپووا کا مقابلہ ہم وطن حریف کترینہ مکرووا سے ہوگا۔ مردوں میں پہلا کوارٹرفائنل عالمی نمبر چار اسپین کے ڈیوڈ فیرر اور نکولس المیگرو کے درمیان کھیلا جائے گا۔ دوسرے کوارٹرفائنل میں عالمی نمبر ایک سربیا کے نواک جوکووچ اور جمہوریہ چیک کے ٹامس برڈیچ آمنے سامنے ہوں گے۔
