لاہور (سپورٹس رپورٹر) آئی سی سی ویمن ورلڈکپ کی تیاری کے لئے کھیلا جانے والا پریکٹس میچ میں بوائز کی ٹیم نے قومی ویمن ٹیم کو شکست سے دوچار کر دیا۔ پاکستان ویمن ٹیم اور لاہور پیرا گون (بوائز) کی ٹیموں کے درمیان پریکٹس میچ کھیلا گیا۔ لاہور بوائز کی ٹیم نے مقررہ 40 اوورز میں 9 وکٹوں کے نقصان پر 153 رنز بنائے۔ حمزہ نے 35، عمر فاروق نے 24 اور علی زریاب نے 24 نمایاں رنز بنائے۔ آسماویہ اقبال نے چار جبکہ قنیطہ جلیل اور بسمہ معروف نے تین تین وکٹیں حاصل کیں۔ 154 رنز کے تعاقب میں قومی ویمن ٹیم 117 کے سکور پر ڈھیر ہو گئی۔ نین عابدی 13 سکور کے ساتھ ٹاپ سکورر رہیں دیگر کھلاڑیوں میں ناہیدہ بی بی اور قنیطہ جلیل نے 12، 12 رنز سکور کئے۔ زریاب نے چار اور منصور نے تین کھلاڑیوں کو آ¶ٹ کیا۔