اسلام آباد (اے پی پی) پاکستان بلائنڈ کرکٹ کونسل قومی کھلاڑیوں کے سینٹرل کنٹریکٹ کا اعلان آج کرے گی ۔ سنٹرل کنٹریکٹ میں 19 کھلاڑیوں کو رکھا گیا ہے جنہیں تین کیٹگریز میں تقسیم کیا گیا۔ کونسل اس مرتبہ پانچ سے 6 نئے کھلاریوں کو کنٹریکٹ دیا جائے گا۔ پاکستان بلائنڈ کھلاڑیوں کو یکم جنوری سے 30 جون 2013ءتک سنٹرل کنٹریکٹ دینے کا فیصلہ کیا ہے ۔ حکام کے مطابق کھلاڑیوں کو تین کیٹگریز میں رکھا گیا ہے جن میں اے، بی اور سی شامل ہیں۔ حکام کے مطابق اے کیٹگری میں تین سے چار کھلاڑی، بی میں سے تین جبکہ باقی تمام کھلاڑیوں کو سی کیٹگری میں رکھا گیا ہے۔ حکام نے بتایا کہ سنٹرل کنٹریکٹ دینے سے کھلاڑیوں کے اعتماد میں اضافہ ہوگا اور ان کے مالی مسائل حل کرنے کیلئے بھی مددگار ثابت ہوگا۔