عراق: مسجد میں خودکش دھماکہ‘ 42 افراد جاں بحق‘ 70 زخمی
بغداد (نوائے وقت رپورٹ + رائٹرز) شمالی عراق میں مسجد میں خودکش دھماکے سے 42 افراد جاں بحق جبکہ 70 سے زائد زخمی ہو گئے۔ یہ دھماکہ تزخر ماتو علاقے میں ہوا۔ عینی شاہدین کے مطابق دھماکہ مغرب کی نماز کے وقت ہوا جس کے بعد لوگوں میں بھگدڑ مچ گئی۔ بتایا جاتا ہے ایک سیاسی رہنما کے برادر نسبتی کی نماز جنازہ ادا کی جا رہی تھی۔ بمبار نے گھس کر خود کو اڑا لیا۔ زخمیوں میں عراقی ترکمان فرنٹ کے نائب چیئرمین علی ہاشم مختار اور صوبائی قونصلر بھی شامل ہیں۔
