ڈیرہ بگٹی : امن فورس کے کیمپ پر حملہ ‘6 اہلکار جاں بحق ‘7 اغوا‘ بارودی سرنگ دھماکے میں ایک شخص مارا گیا
ڈیرہ بگٹی (آن لائن+ نوائے وقت نیوز) ڈیرہ بگٹی کے علاقے دلبر مٹ میں امن فورس کے کیمپ پر حملے میں 6اہلکار جاں بحق 7 کو اغواءکرلیا گیا جبکہ ڈیرہ بگٹی میں ہی تل مٹھی میں بارودی سرنگ کے دھماکے میں 1شخص جاں بحق ہوگیا۔ میڈیا رپورٹس کے مطابق ہفتہ کے روز ڈیرہ بگٹی کے نواحی علاقے دلبرمٹ میں نامعلوم مسلح افراد نے امن فورس کے کیمپ پر اندھا دھند فائرنگ کردی جس کے نتیجے میں کیمپ میں موجود چار اہلکار جاں بحق ہوگئے فائرنگ کے دوران نامعلوم مسلح افراد نے 7 اہلکاروں کو اغواءکرلیا۔ اہلکاروں کے اغواءہونے کے بعد لیویز کی بھاری نفری ا غواءکاروں کے تعاقب میں روانہ کردی گئی۔ ادھر ڈیرہ بگٹی کے علاقے تل مٹھی میں بارودی سرنگ پھٹنے سے ایک شخص جاں بحق جبکہ دو زخمی ہوگئے ۔
