مکرمی! ٹاون شپ و گرین ٹاون کے ہزاروں عوام اس وقت سوئی گیس کے شدید ترین بحران میں مبتلا ہیں۔ مکینوں نے اس سنگین ترین صورتحال کیخلاف سخت احتجاج بھی کیا ہے۔ ٹا¶ن شپ و گرین ٹا¶ن میں سوئی گیس کی سارا سارا دن بندش معمول بن چکی ہے۔ خصوصاً بلاک نمبر 6-7-18-12-15-16 اور عمر چوک سی ون ڈی ون کے بلاکوں میں سوئی گیس اکثر بند رہتی ہے ‘کھانے پکانا ناممکن ہو جاتا ہے۔ ہمارے ملک میں سردیاں ہوں تو سوئی گیس کی ٹینشن اور گرمیاں ہوں تو بجلی کا سیاپا! آخر عوام کے یہ مسائل کون حل کرے گا۔ ہمارے سیاستدان کو عوام کے مسائل سے کوئی سروکار نہیںوہ ایک دوسرے سے صرف اقتدارچھیننے کی جنگ لڑ رہے ہیں۔خدا کیلئے عوام کی حالت پر رحم کھائیں۔(محمد سرفراز خان سماجی و تاجر رہنما سابق کونسلر ٹا¶ن شپ لاہور )