اسلام آباد (سپورٹس رپورٹر) پاکستان کے ٹاپ رینکنگ انڈر۔18 اور انڈر۔14 کے مابین پی ٹی ایف ماسٹرز کپ 2013ءشروع ہو گیا۔ ٹورنامنٹ کا افتتاح پاکستان ٹینس فیڈریشن کے سیکرٹری ممتاز یوسف نے کیا۔ پہلے روز بوائز انڈر14 میں نوفل کلیم نے حافظ ارباب علی کو 6-0, 6-2 سے، طلحہ بن آصف کو 7-6(5),6-4 سے، محمد مزمل نے شعیب خان کو 6-0 اور 6-0 سے جبکہ امن عتیق نے ثاقب عمر کو 6-4 اور 6-2 سے شکست دی جبکہ بوائز انڈر۔ 18 کی گروپ میچز میں ارحم عتیق نے نوفل کلیم کو 6-1 اور 6-3 سے، حسنین منظور نے اعجاز خان کو 6-3, 6-1 سے، کاشان الحق نے محمد مزمل کو 6-2, 2-6 اور 6-3 سے جبکہ محمد مدثر نے طلحہ کو 6-3, 6-7(4) اور 6-4 سے شکست دے دی۔ ہر گروپ سے ٹاپ دو کھلاڑی سیمی فائنل کیلئے کوالیفائی کریں گے۔