ان فٹ توفیق عمر کی آج وطن واپسی ، عمران فرحت جنوبی افریقہ جائینگے
لاہور (سپورٹس رپورٹر) جنوبی افریقہ کے دورہ پر گئی پاکستان ٹیسٹ ٹیم کے اوپنر توفیق عمر انجری مسائل سے دوچار ہو کر آج وطن واپس پہنچیں گے جبکہ ٹیم مینجمنٹ نے توفیق عمر کے متبادل کھلاڑی کے طور پر عمران فرحت کو جنوبی افریقہ بھجوانے کی درخواست کر دی ہے۔ پاکستان کرکٹ بورڈ کے ترجمان کے مطابق ڈاکٹرز نے توفیق عمر کو تین ہفتے آرام کا مشورہ دیا ہے جس کے بعد ٹیم مینجمنٹ کی جانب سے ان کے متبادل کھلاڑی کے لئے سلیکشن کمیٹی سے درخواست کی ہے۔ ذرائع کا کہنا ہے کہ سلیکشن کمیٹی نے توفیق عمر کے متبادل کھلاڑی کے طور پر عمران فرحت کو جنوبی افریقہ بھیجنے کی منظوری دیدی ہے جو دستیاب فلائٹ سے روانہ ہو جائیں گے۔
