ڈیوس کپ ٹائی آج سے سری لنکا میں شروع
کولمبو (اے پی پی) ڈیوس کپ ٹائی آج سے سری لنکا کے دارالحکومت کولمبو میں شروع ہوگی۔ ڈیوس کپ ٹائی میں شرکت کے لئے پاکستان کی 5 رکنی ٹینس ٹیم سری لنکا پہنچ چکی ہے جہاں وہ سری لنکا کے خلاف ڈیوس کپ ٹائی میں پنجہ آزما ہوگی۔ ٹائی میں شرکت کرنے والی پاکستانی ٹیم میں 4 کھلاڑی اورایک آفشیل شامل ہے ۔ کھلاڑیوں میں اعصام الحق ‘عقیل خان‘ یاسرخان اورمحمد عابد شامل ہیں۔ جبکہ محمد خالد بطورنان پلینگ کیپٹن اورکوچ ٹیم کے ہمراہ ہیں۔ ڈیوس کپ ٹائی یکم سے 3 فروری تک سری لنکا کے شہر کولمبو میں منعقد ہوگی۔
