لاہور (سپورٹس رپورٹر) پہلی حمزہ شہباز شریف سنوکر چمپئن شپ کا آغاز اٹھارہ فروری کو لاہور میں ہوگا جو تین مارچ تک پنجاب کے سات شہروں میں جاری رہے گی۔ اس بات کا اظہار ڈپٹی سپیکر پنجاب اسمبلی رانا مشہود احمد نے مقامی سنوکر کلب کے افتتاح کے موقعہ پر میڈیا سے گفتگو کرتے ہوئے کیا۔ انہوں نے کہا کہ چیمپئن شپ کے انعقاد کا مقصد سنوکر کے نئے ٹیلٹ کو سامنے لانا ہے۔ یوتھ فیسٹیول کے دوران نوجوانوں نے اس کھیل میں جس دلچسپی کا اظہار کیا وہ اس بات کا منہ بولتا ثبوت ہے کہ یہ کھیل کرکٹ کو ہاکی کی طرح نوجوانوں میں مقبولیت کا ریکارڈ توڑ دے گا۔ انہوں نے کہا کہ یہ یوتھ فیسٹول کی بدولت ہی ہے کہ ملک میں کھیلوں کو بڑا فروغ ملا اور نیا ٹیلنٹ سامنے آیا ہے اور پاکستان سنوکر کا عالمی چیمپئن بنا۔ دریں اثناءٹورنامنٹ کو بہتر طریقے سے چلانے کےلئے آرگنائزنگ کمیٹی بھی تشکیل دیدی گئی ہے جس کا سرپرست اعلیٰ عظیم جاوید کو مقرر کیا گیا ہے۔