اسلام آباد (اے پی پی) پی ٹی ایف ٹینس ماسٹر کپ بوائز انڈر 14 اور انڈر 18 ایونٹس کی سیمی فائنل لائن اپ مکمل ہو گئی۔ سیمی فائنل آج کھیلے جائیں گے۔ پی ٹی ایف کمپلیکس میں جاری ایونٹ میں کھلاڑیوں کے درمیان دلچسپ و سنسنی خیز مقابلوں کا سلسلہ جاری ہے، بوائز انڈر 14 میں نوفل کلیم، حضیفہ عبدالرحمن، محمد مزمل اور ثاقب عمر نے سیمی فائنل میں جگہ بنا رکھی ہے جبکہ بوائز انڈر 18 میں محمد مدثر، محمد مزمل، کاشان الحق اور طلحہ زبیر سیمی فائنل تک رسائی حاصل کرنے میں کامیاب رہے ہیں۔ سیمی فائنلز آج جمعہ کو کھیلے جائیں گے۔ بوائز انڈر 14 کے پہلے سیمی فائنل میں نوفل کلیم عمان عتیق کے مدمقابل ہوں گے جبکہ دوسرا سیمی فائنل محمدمزمل اور طلحہ بن آصف کے درمیان کھیلا جائے گا۔ بوائز انڈر 18 ایونٹ کے پہلے سیمی فائنل میں محمد مدثر کاشان الحق کے آمنے سامنے ہوں گے جبکہ دوسرا سیمی فائنل محمد مزمل اور طلحہ زبیر کے درمیان کھیلا جائے گا۔