اسلام آباد (سپورٹس رپورٹر) پاکستان ٹینس فیڈریشن کے زیر اہتمام پی ٹی ایف ماسٹر جونیئر ٹینس ٹورنامنٹ سیڈ 5 کراچی کے طلحہٰ زبیر نے جیت لیا۔ انہوں نے انڈر 18 کیٹاگری میں ٹاپ سیڈ محمد مدثر کو 6-3,4-6 اور 6-3 سے ہرا کر ٹورنامنٹ کا سب سے بڑا اپ سیٹ کیا۔ طلحہٰ زبیر نے گولڈ میڈل اور 8 ہزار روپے کیش ایوارڈ حاصل کیا۔ اسی کیٹاگری میں محمد مزمل نے تیسری اور کاشان الحق نے چوتھی پوزیشن حاصل کی۔ بوائز انڈر 14 کیٹاگری میں ٹاپ سیڈ سید نوفل کلیم نے محمد مزمل کو 6-4 اور 6-2 سے شکست دے کر انڈر 14 ونر ٹرافی حاصل کی۔ طلحہٰ بن آصف نے امان عتیق کو شکست دے کر تیسری پوزیشن حاصل کی اسی طرح امان عتیق چوتھے نمبر پر رہے۔