کراچی (نوائے وقت نیوز) کراچی واٹر بورڈ کے تمام ہائیڈروینٹس سے ٹینکر سروس معطل کر دی گئی۔ ایم ڈی واٹر بورڈ نے کہا ہے کہ ہائیڈرینٹس سے ہونے والی آمدنی کی جانچ پڑتال کی جائے۔ غیر قانونی ہائیڈرینٹس کے خاتمے کے لئے فوری اقدامات کئے جائیں۔ تمام ہائیڈرینٹس سے چلنے والے ٹینکرز کا ریکارڈ چیک کیا جائے۔ ریکارڈ چیک کرکے رپورٹ ایم ڈی سیکرٹریٹ میں جمع کرائی جائے۔ ہائیڈرینٹس کا متعلقہ سٹاف، پولیس و دیگر حکام کی مدد سے پانی چوری ختم کریں۔ ذرائع کے مطابق حکومتی ادارے نے کراچی واٹر اینڈ سیوریج بورڈ کے 100کروڑ سے زائد ادا کرنے ہیں۔