لاہور (سپورٹس رپورٹر) پاکستان فٹبال فیڈریشن نے قومی انڈر 13 ریجنل فٹبال فیسٹیول 2013ءکوالی فکیشن راونڈ کے ڈراز کا اعلان کر دیا ہے۔ یہ ایونٹ 6 فروری سے 12فروری 2013 ءتک ملک کے چار شہروں کراچی، کوئٹہ، پشاور اور فیصل آباد میں کھیلا جائے گا۔ ایونٹ میں چاروں صوبوں کی ٹیمیں اور پی ایف ایف انڈر- 13 یوتھ فٹ بال کپ- 2013 کی چار فاتح ٹیمیں حصہ لے رہیں ہیں جس کے تحت ٹیموں کو چار گروپوں میں تقسیم کیا گیا ہے۔ گروپ اے میں سندھ اور ایڈ 27 کراچی بلیو، گروپ بی میں بلوچستان اور ایڈ 27 چمن زون، گروپ سی میں پنجاب اور ایڈ 27 فیصل آباد زون اور گروپ ڈی میں خیبر پختون خواہ/ اسلام آباد اور ایڈ 27 پشاور-نوشہرہ زون شامل ہیں۔ ڈراز کے مطابق پہلے دن سندھ اور ایڈ 27 کراچی بلیو زون کے درمیان پیپلز فٹبال سٹیڈیم کراچی میںجبکہ دوسرا میچ پنجاب اور ایڈ 27 فیصل آباد زون طفیل شہید فٹبال سٹیڈیم فیصل آباد میں ٹکرائے گی۔