میکسیکو سٹی (اے پی پی) میکسیکو کے ایک سرکس میں شو کے دوران شیر نے اپنے ٹرینر پر حملہ کر کے اس کو شدید زخمی کر دیا جو بعد ازاں ہسپتال جاتے ہوئے ہلاک ہو گیا۔ واقعہ گزشتہ روز ریاست سونورا کے گاﺅں ایچوجوا میں پیش آیا جہاں الیکس کریپن نامی ٹائیگر ٹرینر دو شیروں کے ساتھ شو میں مصروف تھا کہ اچانک ایک شیر نے اس پر حملہ کر کے نیچے گرا لیا اور اپنے پنجوں سے اس کی پشت پر شدید حملے کئے۔ سرکس کے ملازمین موقع پر پہنچے اور شیر کو آہنی بنچوں سے مار کر ہٹانے کی کوشش کی مگر ناکام رہے بالآخر اجتماعی کوششوں سے ٹرینر کو چھڑا کر ہسپتال روانہ کیا گیا جو زخموں کی تاب نہ لا کر ہلاک ہو گیا۔