لاہور (سپورٹس رپورٹر) پاکستان فٹبال فیڈریشن کے سیکرٹری کی کوچ کو دی جانے والی دھمکی کام آ گئی، نیپال کے دورہ پر گئی پاکستان فٹبال ٹیم نے پہلے پریکٹس میچ میں میزبان ٹیم کے خلاف ایک صفر سے کامیابی حاصل کر لی ہے۔ دیسراتھ رنگاسالہ سٹیڈیم کھٹمنڈو میں کھیلے جانے والے میچ میں پاکستان ٹیم نے نیپال کو ایک صفر سے شکست دی میچ کا واحد گول سٹرائیکر حسن بشیر نے انفرادی کوشش سے کیا۔ جنرل سیکرٹری پی ایف ایف احمد یارخان لودہی نے پاکستانی ٹیم کی فتح کو سراہتے ہوئے کہا کہ وہ اپنی انتھک کاوشوں سے انشاءاللہ پاکستان کو فٹ بال میں عالمی پہچان بنا دیں گے۔ پاکستان اپنا دوسرا دوستانہ میچ نیپال کے ساتھ نو فروری بروز ہفتہ کو کھیلے گا۔