کھٹمنڈو (ایجنسیاں) پاکستان نے دو فٹ بال میچز کی سیریز کے پہلے میچ میں نیپال کو شکست دے کر برتری حاصل کرلی۔ نیپال کی دارالحکومت کھٹمنڈو میں پاکستان اور میزبان نیپال کی ٹیموں کے درمیان سیریز کا پہلا میچ کھیلا گیا جس میںہاف ٹائم پر میچ بغیر کسی گول کے برابر رہا دوسرے ہاف میں بھی دونوں ٹیمیں ایک دوسرے پر سبقت کیلئے کوشاں رہیں تاہم کھیل کے نوے منٹ میں فارورڈ حسن بشیر نے تن و تنہا میزبان ٹیم کی دفاعی لائن کو عبور کرتے ہوئے گیند کو جال کی راہ دکھا کر پاکستان کو برتری دلوادی جو کھیل کے اختتام تک برقرار رہی۔ پاکستانی فٹبال ٹیم دورہ نیپال کے دوران اپنا دوسرا میچ کل کھیلے گی۔ سیریز کھیلنے کے بعد پاکستانی ٹیم 12 فروری کو مالدیپ روانہ ہو گی۔ پاکستانی ٹیم کے اسسٹنٹ کوچ شہزاد انور نے کہا ہے کہ نیپال کی ٹیم مشکل حریف ہے اس کے خلاف فتح سے کھلاڑیوں کا مورال بلند ہوا ہے اور وہ دوسرا میچ جیت کر سیریز اپنے نام کر لیں گے۔