لاہور (کامرس رپورٹر) سٹیٹ بینک کلین نوٹ پالیسی کے تحت منعقدہ نووے سٹیٹ بینک گور نرکپ انٹر بینک کرکٹ ٹورنامنٹ میںآج کھیلے گئے پانچ میچوں میں سٹیٹ بینک لاہور، حبیب بینک پشاور، یونائٹیڈ بینک کراچی، پنجاب پراونشل کوآپریٹو بینک لاہور اور سٹیٹ بینک راولپنڈی نے اپنے اپنے میچ جیت لئے ہیں۔ آج مزید پانچ میچز کھیلے جائیںگے جن میں سٹیٹ بینک لاہور بمقابلہ عسکری بینک ملتان، حبیب بینک پشاور بمقابلہ یونائٹیڈ بینک کراچی، پنجاب پراونشل کوآپریٹو بینک لاہور بمقابلہ سٹیٹ بینک حیدرآباد، بینک آف خیبر پشاور بمقابلہ بینک الفلاح ملتان اور سٹیٹ بینک کراچی بمقابلہ عسکری بینک ملتان کی ٹیموں کے درمیان ماڈل ٹاﺅن بی بلاک اور ڈی بلاک کی کرکٹ گراﺅنڈ میں میچز ہونگے۔