کراچی (ثناءنیوز) فوزیہ صدیقی نے کہا ہے کہ پیپلزپارٹی کے چیئرمین بلاول بھٹو ڈاکٹر عافیہ کے ساتھ ہونے والی ناانصافیوں کے خلاف آواز اٹھا کر عافیہ کی رہائی کے لئے عملی اقدامات کریں۔ چیئرمین پیپلزپارٹی بھٹو خاندان کی روایتی غیرت کا ثبوت دیتے ہوئے عافیہ کی جلد رہائی کو ممکن بنائیں۔ عافیہ موومنٹ کے زیراہتمام پارک ٹاور، کلفٹن پر منعقدہ جسٹس میٹنگ کے شرکاءسے خطاب کے دوران انہوں نے مزید کہا موجودہ حکومت نے عافیہ کی رہائی کے لئے دعوﺅں کے سوا کچھ نہیں کیا۔ ان جسٹس میٹنگ میں طلبائ، وکلائ، انسانی حقوق کی تنظیموں، سول سوسائٹی کے نمائندوں سمیت نوجوانوں نے بڑی تعداد میں شرکت کی۔