لاہور (سپورٹس رپورٹر) پاکستان کرکٹ ٹیم کے فاسٹ با¶لر وہاب ریاض نے کہا کہ افغانستان ٹیم کے خلاف پریکٹس میچز سے دورہ جنوبی افریقہ کے ممکنہ کھلاڑیوں کو تیاری کا اچھا موقع مل گیا۔ قذافی سٹیڈیم لاہور میں افغانستان کے خلاف ون ڈے میچ کے بعد میڈیا سے گفتگو کرتے ہوئے انہوں نے کہا کہ چار روزہ اور ون ڈے کرکٹ میں مسلسل پرفارم کر رہا ہوں میری کوشش ہے کہ اپنے ردھم کو اسی طرح برقرار رکھوں اگر سلیکشن کمیٹی نے جنوبی افریقہ کے خلاف موقع دیا تو توقعات پر پورا اتروں گا۔ انہوں نے کہا کہ اس طرح کے پریکٹس میچز میں کھلاڑی اپنی فارم بحال کر کے قومی ٹیم میں جگہ بنانے میں کامیاب ہو سکتے ہیں۔ انہوں نے کہا کہ کافی عرصہ سے ٹیم کے ساتھ ہوں لیکن انٹرنیشنل کرکٹ نہیں کھیل سکا ہوں۔ میری خواہش ہے کہ جب بھی موقع ملے پاکستان ٹیم کی جیت میں اہم کردار ادا کروں۔ پاکستان کی طرف سے کھیلنا اعزاز کی بات ہے میری کوشش ہے کہ محنت کر کے ٹیم میں جگہ بنا¶ں۔