لاہور (این این آئی) آٹھویں چولستان جیپ ریلی پندرہ سے سترہ فروری تک ہوگی جس میں سو سے زائد ڈرائیورز ان ایکشن دکھائی دیں گے۔ صوبائی پارلمیانی سیکرٹری ایم پی اے رانا محمد ارشد کے مطابق تین روزہ جیپ ریلی میں ملک بھر سے سو سے زائد شرکا کی انٹریز موصول ہو چکی ہیں جبکہ بیروں ملک سے بھی بعض شرکا نے دلچسپی ظاہر کی ہے۔ دو سو پچیس کلومیٹر فاصلے پر محیط ریلی میں چار کیٹگریز کی جیپس کے مقابلے ہونگے۔ ریلی کے دوران قلعہ درواڑ پر ثقافتی شو، اونٹوں کا رقص بھی ہو گا۔ جیپ ریلی کے انعقاد سے جنوبی پنجاب کے صحرا چولستان کی ثقافت کو فروغ دینے میں مدد ملے گی۔