اسلام آباد (اے پی پی) پاکستان کرکٹ بورڈ کے زیراہتمام قائداعظم ٹرافی فرسٹ کلاس کرکٹ ٹورنامنٹ کے سپرایٹ مرحلے میں سیالکوٹ اور کراچی وائٹس کی ٹیموں کے درمیان میچ ڈرا ہو گیا۔ سیالکوٹ کو پہلی اننگز میں سبقت حاصل کرنے پر 3 پوائنٹس مل گئے۔ ڈائمنڈ کرکٹ گراﺅنڈ اسلام آباد میں کھیلے گئے میچ میں کراچی وائٹس کی ٹیم نے اپنی پہلی ادھوری اننگز چار وکٹوں کے نقصان پر 137 رنز سے شروع کی تو ٹیم سکور میں مزید 101 رنز کا اضافہ کرکے 238 رنز پر ڈھیر ہوگئی سیالکوٹ کی ٹیم نے اپنی دوسری اننگز میں کھیل کے اختتام تک 3 وکٹوں کے نقصان پر 184 رنز بنائے۔