ملتان (آئی این پی) ملتان میں ایک گھر سے خاتون کی نعش برآمد کر لی گئی۔ خاتون کچھ عرصہ پہلے برطانیہ سے آئی تھی اور چار بچوں کی ماں تھی۔ پولیس کے مطابق گل گشت کالونی میں واقع گھر کے ایک کمرے سے خاتون کی نعش ملی ہے، خاتون کی ہلاکت سینے میں گولی لگنے سے ہوئی۔ ممتاز بیگم کچھ عرصہ پہلے ہی برطانیہ سے اپنی ماں سے ملنے کے لئے آئی تھی اور چار بچوں کی ماں تھی۔ پولیس نے کہا ہے کہ معاملہ خودکشی کا معلوم ہوتا ہے ۔