لندن (سپورٹس ڈیسک) انٹرنیشنل اولمپک کمیٹی نے 2020ءمیں منعقد ہونے والے اولمپکس سے ریسلنگ کو ڈراپ کر دیا ہے۔ کمیٹی کے اعلامیے کے مطابق 2020ءکے اولمپکس میں ریسلنگ کی جگہ کسی اور کھیل کو دی جائے گی۔ اس بات کا فیصلہ انٹرنیشنل اولمپک کمیٹی کے کمشن نے لندن میں منعقد ہونے والے اولمپکس کے کھیلوں کا جائزہ لینے کے بعد کیا۔ برطانوی ریسلنگ کے چیف ایگزیکٹو کولن نکولسن نے انٹرنیشنل اولمپک کمیٹی کے فیصلے کو مایوس کن قرار دیا ہے۔ انہوں نے کہا کہ ہمیں امید ہے کہ انٹرنیشنل اولمپک کمیٹی کے ستمبر میں ہونے والے اجلاس میں ریسلنگ کو اولمپکس میں دوبارہ شامل کر لیا جائے گا۔